മുടിവേരുകളുടെ ബലം കുറയുന്നതുവഴിയാണ് മുടികൊഴിച്ചില്‍ കൂടുതലായും ഉണ്ടാകുന്നത്. കാരണം വേരുകളുടെ ബലം കുറയുമ്പോള്‍ മുടി പെട്ടെന്നു പൊട്ടിപ്പോകും. അതിനാല്‍ തന്നെ മുടിവേരുകള്‍ക്ക് ബലം നല്‍കാനുള്ള വഴികളാണ് നോക്കേണ്ടതും.
ഈ ലേഖനത്തില്‍ മുടിവേരുകളുടെ ബലം വര്‍ദ്ധിപ്പിയ്ക്കാനുള്ള ചില എളുപ്പ വഴികളെ പരിചയപ്പെടുത്തുകയാണ്, തികച്ചും പ്രകൃതിദത്തമായ ഇവ മുടിവേരുകളുടെ ബലം വര്‍ദ്ധിപ്പിച്ച് മുടികൊഴിച്ചില്‍ കുറയ്ക്കുക മാത്രമല്ല, മുടി തഴച്ച് വളരാനും സഹായിക്കും.
പാല്‍
പാല്‍ മുടിവേരുകളെ ബലപ്പെടുത്താനുള്ള നല്ലൊരു വഴിയാണ്. പാല്‍ ശിരോചര്‍മത്തില്‍ പുരട്ടാം. പാലടങ്ങിയ ഹെയര്‍ പായ്ക്കുകളും ഉപയോഗിയ്ക്കാം.
മുട്ടവെള്ള
പ്രോട്ടീന്‍ മുടിവേരുകള്‍ക്ക് ബലം നല്‍കാന്‍ ഏറെ പ്രധാനം. മുട്ടവെള്ള ഇതിനുള്ള നല്ലൊരു വഴിയുമാണ്. മുട്ടവെള്ള ശിരോചര്‍മത്തില്‍ തേച്ചു പിടിപ്പിയ്ക്കുക. കുറച്ചു കഴിയുമ്പോള്‍ കഴുകിക്കളയാം. മുട്ടയടങ്ങിയ ഹെയര്‍ പായ്ക്കുകളും ഉപയോഗിയ്ക്കാം.
ഹെന്ന പായ്ക്ക്
ഹെന്ന പായ്ക്ക് മുടിവേരുകളെ ബലപ്പെടുത്തുക മാത്രമല്ല, മുടി നരയ്ക്കുന്നത് ഒഴിവാക്കാനും മുടിവളര്‍ച്ചയ്ക്കുമെല്ലാം സഹായിക്കും.
പഴം
ധാരാളം വൈറ്റമിനുകളും ധാതുക്കളുമടങ്ങിയ ഒന്നാണ് പഴം. ഇതു ഉടച്ചു തലയില്‍ പുരട്ടുന്നത് വളരെ നല്ലതാണ്.പഴമടങ്ങിയ ഹെയര്‍ പായ്ക്കുകള്‍ മുടിവേരുകള്‍ക്കു ബലം നല്‍കും.
നെല്ലിക്ക
നെല്ലിക്കയടങ്ങിയ ഹെയര്‍ പായ്ക്കുകള്‍ മുടിവേരുകളെ ശക്തിപ്പെടുത്തുന്നവയാണ്. ഇതു പരീക്ഷിച്ചു നോക്കാം.
വെളിച്ചെണ്ണ
വെളിച്ചെണ്ണ ചൂടാക്കി ഇളംചൂടോടെ ശിരോചര്‍മത്തില്‍ തേച്ചു പിടിപ്പിയ്ക്കുക. രക്തപ്രവാഹം വര്‍ദ്ധിപ്പിച്ച് മുടിവേരുകളെ ബലപ്പെടുത്താന്‍ ഇത് ഏറെ സഹായകമാണ്.
ബിയര്‍
ഇളംചൂടുള്ള ബിയര്‍ ശിരോചര്‍മത്തില്‍ പുരട്ടുന്നത് വേരുകള്‍ക്ക് ബലം നല്‍കും. ഇത് മുടി മൃദുവാക്കുകയും ചെയ്യും.
