നല്ല കറുമുറെ തിന്നുബ്വാന്‍ കഴിയുന്ന നാലുമണി പലഹാരങ്ങള്‍ ആര്‍ക്കാണ് ഇഷ്ടമല്ലാത്തത്? അത് ചിക്കന്‍ കൊണ്ടുള്ള ഒരു വിഭവമായാലോ? ചിക്കന്‍ പക്കവട നമുക്ക് വളരെ എളുപ്പത്തില്‍ തയ്യാറാക്കാവുന്ന ഒരു വിഭവമാണ്.
ആവശ്യമുള്ള സാധനങ്ങള്‍:
- ചിക്കന്‍ – 150 ഗ്രാം
- കടലപ്പൊടി- 250 ഗ്രാം
- മുട്ട- 1 എണ്ണം
- സവാള- 1 എണ്ണം
- പച്ചമുളക്- 5 എണ്ണം
- അരിപ്പൊടി- 1 ടീസ്പൂണ്‍
- ഇഞ്ചി- ചെറിയ കഷ്ണം
- വെളുത്തുള്ളി- 5 അല്ലി
- മുളക് പൊടി- 1 ടീസ്പൂണ്‍
- മഞ്ഞള്‍പ്പൊടി- അര ടീസ്പൂണ്‍
- ഗരം മസാല- ഒരു നുള്ള്
- മല്ലിയില-4 തണ്ട്
- കറിവേപ്പില- 1 തണ്ട്
- ഉപ്പ്- പാകത്തിന്
- വെളിച്ചെണ്ണ- ആവശ്യത്തിന്
തയ്യാറാക്കുന്ന വിധം:
- അല്‍പം മുളക് പൊടി, ഉപ്പ്, മഞ്ഞള്‍പൊടി, എന്നിവ ചേര്‍ത്ത് ചിക്കന്‍ മുക്കാല്‍കപ്പ് വെള്ളത്തില്‍ വേവിയ്ക്കുക.
- ചിക്കന്‍റെ എല്ലു നീക്കം ചെയ്ത് മിക്‌സിയില്‍ ചെറുതായി പൊടിച്ചെടുക്കുക.
- സവാള, പച്ചമുളക്, ഇഞ്ചി, വെളുത്തുള്ളി, മല്ലിയില, കറിവേപ്പില എന്നിവ ചെറുതായി അരിഞ്ഞെടുക്കുക.
- ഇതിലേക്ക് മുട്ട, പൊടിച്ചു വെച്ചിരിക്കുന്ന ചിക്കന്‍, കടലപ്പൊടി, അരിപ്പൊടി, ഉപ്പ്, മഞ്ഞള്‍പ്പൊടി, ഗരംമസാലപ്പൊടി എന്നിവ ചേര്‍ത്ത് യോജിപ്പിക്കുക.
- ഈ മിശ്രിതം ചെറിയ ഉരുളകളാക്കി തിളച്ച എണ്ണയില്‍ അല്‍പാല്‍പം ഇട്ട് വറുത്തു കോരുക.
